• Aneuek Mud
  • Mai 2016
  • Yusuf Dawood and Guree
  • Pelanggara
  • Bangsa Aceh Berdemo Di Jalan Raya Stockholm
Aneuek Muda1 Stockhol2 Yusuf Dawood and Guree3 Stockholm 4 Bangsa Aceh Berdemo Di Jalan Raya Stockholm 5

Antara Dame & Mardehka (I) : Dekolonisasi

14 September 2012 pukul 9:19

Nibak thon 1976, Almarhum Teungku Hasan Muhammad di Tiro ka neupeubeudoh buet seunambong peurjuangan bangsa geutanyoe deungon neupeunyata keulai keumardehkaan Neugara Acheh di puncak gunong Halimon. Lhee ploh limong thon teuma, seujarah nyan mantong got meu-uke lam pikeran geutanyoe dan sabe tapeu-ingat lam peurayaan 4 Desember sibagoe tanda seutia geutanyoe keu buet nyang ka neupeuwareh nyan. Tapi that sayang, beuthat pih rame ureueng geutanyoe nyang that seutia keu peurjuangan Tgk. Hasan, hana mandum geutanyoe muphom buet dan strategi nyang neupeujak le droeneuh nyan untok neupeudong keulai deelat Neugara.

Meunan keuh, sibagoe useuha untok peukong ideologi Acheh Mardheka nyang ka neupeuwareh le Wali Neugara, maka akan lon cuba peutrang meupadum-padum boh istilah nyang peunteng dalam ideologi AM. Istilah keuphon nakeuh: dekolonisasi.

DEKOLONISASI

Meunurot Tgk. Hasan, hak mardehka bangsa Acheh seucara 'otomatis' lahe dari hak dekolonisasi. Dekolonisasi nyan nakeuh proses untok peugisa keulai status saboh-saboh nanggroe nyang dijajah keu keuadaan sigohlom peunjajah nyan teuka. Teurmasuk disinan deelat dan wilayah nibak keurajeuen atawa neugara nyang dijajah nyan.

Dalam peukara Acheh, bangsa Acheh na hak untok meuteumeueng dekolonisasi dari Beulanda nyang ka dipeunyata prang deungon Keurajeuen Acheh nibak thon 1873. Dalam buku "Atjèh Bak Mata Dônja", Tgk. Hasan ka neupeutrang deungon jeulaih seujarah prang bangsa Acheh deungon kaphe Beulanda.

Teuma, dalam proses dekolonisasi wilayah jajahan Beulanda dalam sidang meh bundar di Den Haag, Beulanda, nibak thon 1949, hak bansa Acheh ka dipeugadoh le Beulanda watee jih diseurah mandum deelat nanggroe-nanggroe mardehka lam kawasan nusantara lam jaroe neugara 'buatan' droe jih nyang diboh nan Dutch East Indies (Indonesia). Padahai, meunurot hukom internasional teuntang hak dekolonisasi, deelat keurajeuen Acheh ka seupatot jih dijok pulang keu bangsa Acheh keudroe, kon keu bangsa laen atawa nanggroe laen.

Meunan keuh, Tgk. Hasan hana neu-angkee neuduek neugara Indonesia nyan, sabab neugara nyan nakeuh neugara nyang dipeuna-peuna le musoh ureueng Islam, nyakni neugara kaphe Beulanda, dan musoh endatu geutanyoe, bansa Acheh. Teuntee deungon nyan Tgk. Hasan neutham sibeurangkasoe geutanyoe untok tameurundeng deungon Indonesia, sabab lam hai nyoe geutanyoe hana peukara sapeue dengon jih (Indonesia). Nakeuh buet wajeb nibak Beulanda untok dijok pulang deelat bangsa Acheh seucara otomatis lam jaroe bansa Acheh keudroe tanpa sibeurangkapeue syarat. Hak nyoe keuh nyang neupeujuang le Tgk. Hasan yoh masa udep geuh dan yoh geuthee droegeuh (sihat badan, akai, ngon pikeran).

MOU HELSINKI & HAK DEKOLONISASI

Sibeurangkapeue buet nyang peukong neuduek Indonesia di ateueh rhueng donya nyoe nakeuh buet peugadoh hak dekolonisasi Neugara Acheh, meunan keuh neuduek MoU Helsinki. Deungon geutanyoe tatem jeuet keu provinsi dalam wilayah jih, beurarti geutanyoe ka tatem peukong proses dekolonisasi Keurajeuen Islam Acheh u dalam neugara buatan kaphe Beulanda.

Meunan keuh MoU Helsinki nyan meulawan that deungon ideologi AM, beuthat pih na golongan-golongan meuteuntee nyang peugah bahwa Alm. Teungku Hasan ka neumeuwasiat keu geutanyoe untok tajaga dame Helsinki. Ka teuntee haba nyan nakeuh haba nyang dipeuna-peuna untok peukong buet golongan nyang teumeukeusud nyan.

SEJARAH INDONESIA & HAK DEKOLONISASI

Lam buku "Pelajaran Sejarah Perjuangan Bangsa (PSPB)" yoh masa lon sikula SD, meutuleh bahwa keumardehkaan Indonesia nyan kon keuh atra dibi le Beulanda, tapi nakeuh hase nibak peurjuangan bangsa Indonesia.

Teuma peue keuh beutoi meunan seujarah jih? Takalon dari proses dekolonisasi, Indonesia nyan chit hana hak sapeue untok dibi keumardehkaan. Jih han tom na 'deelat', han tom na 'wilayah', han tom na 'rakyat', dan han tom na lam seujarah donya. Nyang na hak untok dibi keumardehkaan keulai nakeuh keurajeuen Acheh, Ternate, Cirebon, Pagaruyung, Banten, Mataram, dan laen-laen, nyang meunurot seujarah nakeuh keurajeuen-keurajeuen Islam.

Peurjuangan keumardehkaan Indonesia nyan justru peurjuangan peugadoh hak nibak keurajeuen-keurajeuen Islam bunoe. Peurjuangan Indonesia nakeuh peurjuangan seumeungeuet dan peurjuangan ceumeucue hak dekolonisasi deungon dikeurija-sama dengon kaphe Beulanda.

Teuma ka teuntee sibeurangkasoe nyang peutheun buet 'elaaya ateuh bangsa-bangsa Islam nyoe dan peukong neuduek Indonesia ateuh keurajeuen-keurajeuen Islam nyoe nakeuh ureueng suruhan jih (ureueng suruhan kaphe).

Kuta Raja, 14 September 2012
Mundzir bin Muntasir

Our Local Website

Laman web resmi kami: Sekretariat ASNLF/AM Sweden

Website UN

United Nations - Laman web PBB (Perserikatan Bangsa-Bangsa)

Website Pusat

ASNLF Pusat adalah laman web resmi ASNLF/AM