• Aneuek Mud
  • Mai 2016
  • Yusuf Dawood and Guree
  • Pelanggara
  • Bangsa Aceh Berdemo Di Jalan Raya Stockholm
Aneuek Muda1 Stockhol2 Yusuf Dawood and Guree3 Stockholm 4 Bangsa Aceh Berdemo Di Jalan Raya Stockholm 5

Komitmen ASNLF keu geuneurasi ukeuë

Ureuëng muda Atjèh nakeuh geuneurasi ukeuë bansa geutanjoë njang akan peuteuntèë buët seunambông nibak peurdjuangan Atjèh Meurdéhka. Di mijup njoë, Su AM (AM) meupeugot saboh wawantjara deungon keutuha presidium ASNLF, Teungku Ariffadhillah (AF) untôk meukalon komitmen ASNLF keu geuneurasi ukeuë bansa:

AM: Assalamu’alaikum,
AF: Wa'alaikumsalam w w.

AM: Teungku, kamoë meukeumeuëng tanjong peukara seunambôt nibak kawôm muda Atjèh, peuë keuh njang na diluwa atawa njang na di nanggroë keudroë, teurhadap peurdjuangan Atjèh Meurdéhka uroë njoë. Peuë keuh got seunambôt dari geuneurasi ukeuë bansa njoë?

AF: Alhamdulillah, peurdjuanganAtjèh Meurdéhka mantong meusambông. Geuneurasi muda Atjèh djinoë kaleubèh tjeudaih dan aktif bak geusidék peukara dan alasan Atjèh Meurdéhka. Watèë ka geupham peukara dan alasan njan, hatèë geuh hana wéh-weuh lé. Peu keuh di dalam atawa di lua nanggroë djeut takheun that-that ramè njang ka geutusoë droë geuh sibagoë saboh bangsa, njang geuseumiké ngon saboh seumangat njang that lambông untôk keupeunténgan nasional Atjèh.

AM: Teuma, pakriban neukalon peungarôh ureuëng-ureuëng awai lam peurdjuangan teurhadap seumangat nibak ureuëng-ureuëng muda njoë? 'otna peunténg hubôngan got antara geuneurasi awai dan geuneurasi barô patôt ta djaga?

AF: Ureuëng-ureuëng awai lam buët njoë ka keumah neusatoh geuneurasi muda dan neupeupham dasar-dasar neuduëk nanggroë Atjèh. Hai njoë nakeuh saboh pangkai njang that rajek keuseunambông peurdjuangan Atjèh Meurdéhka. Bah pih djinoë buët gohlom meuhasé, tapi tjita-tjita njan ka meutanom lam haté aneuk bangsa. Hubôngan got antar geuneurasi meusti leubèh tapeukong, supaja estafet peurdjuangan bèk sampoe putôh bak teungoh djalan, sabab buët njoë mantong peureulèë masa untôk trôh bak tudjuan. Seuhingga peunténg that tadjaga hubôngan got antara geuneurasi awai ngon geuneurasi muda.

AM: Teuma, pakriban tingkat peursiapan ilmèë ureuëng-ureuëng muda njoë untôk geupeurôh droë dalam buët peurdjuangan?

AF: Lam dumpeuë peukara, hana mungkén tapeudjak buët meunjoë hana 'ileumèë, peulom bak tapeudong atawa tapeugisa keulai daèëlat nanggroë Atjèh. ASNLF that geupakoë peukara peundidékan geuneurasi muda, khusuih djih njang na kaétan ngon urôsan-urôsan politék, dan diplomasi. Meunjona ureung-ureung muda njang tjit kana 'ileumèë-'ileumèë njan, ASNLF ngon seunang haté geuteurimong, sabab buët meuneugara kon buët sidroë-droë ureung, tapi buët ureung rame, buët rakjat.

AM: Ban-ban njoë ASNLF na geu-intat peurwakilan lam peulatihan UNPO:Speak Out 2012. Peuë harapan droëneuh dari atjara njang teumeukeusud njan?

AF: Lagèë ka lôn peutrôh di ateuëh, geutanjoë peureulèë 'ileumèë bak ta peudjak saboh-saboh buët. Peulatihan njang djipeugot lé UNPO tjit tjotjok that keu geutanjoë, sabab kegiatan di UNPO tjit untôk peukong keumampuan geutanjoë. UNPO njan na keuh saboh badan dônja, teumpat meusapat bangsa-bangsa njang teungoh geutuntôt hak-hak untôk peuteuntèë naséb droë geuh. Seuhingga geutanjoë djeut tapeugot tjit hubôngan ngon bangsa-bangsa laén njang seunaséb ngon geutanjoë saléng meutuka haba, mita sokongan atawa djeut tangui keu djalur peunghubông ngon pihak-pihak laén di tingkat internasional.

AM: Keuneulheuëh pakriban komitmen ASNLF teurhadap ureuëng muda-muda njoë dalam peukara kaderisasi seunambông buët dan ilmèë?

AF: Komitmen ASNLF that kong dalam peukara kaderisasi. Bagi peurdjuangan Atjèh Meurdéhka hana piléhan laén, seulaén nibak geupeusiap kader ngon keumampuan njang leubéh supaja bangsa Atjèh trôh bak tudjuan lagèë tamakeusud.

AM: Teurimong geunaseh.

AF: Saban-saban, mudah-mudahan ngon ikhtijeu dan do'a geutanjoë bandum, akan neubri rahmat meurdéhka lé Po TeuhAllah SWT.(red)*****

Our Local Website

Laman web resmi kami: Sekretariat ASNLF/AM Sweden

Website UN

United Nations - Laman web PBB (Perserikatan Bangsa-Bangsa)

Website Pusat

ASNLF Pusat adalah laman web resmi ASNLF/AM